Қазіргі заман - Өмір жолдары
- Толығырақ
- Жарияланды 19.02.2016 21:46
- Автор: Жолдығали Бақытов
- Қаралды: 2748
- Қазіргі заман
- Мұғалім
- Сенемін
- Ардақты аға
- Дәрігерге
- Ауруханада
- Тайсойған
- Намыс
- Ана тілім
- Қымбатым сен
- Миялыға
- Бір шыбығың болсам деп
- Ойлан, Қазақ
- Зар заман
- Жоқшылық жыры
- Ұмытпа
- Освенцимде болғанда
- Болмасын соғыс
- Ақын досқа хат
- Күзгі элегия
- Журналист сыры
- КазГУ-ге
- Қазақстан мұғалімі
- Теңге
- Өмір жолдары
- All Pages
ӨМІР ЖОЛДАРЫ
Өмір жолдары сан тарау,
Қан тепкен сансыз тамырдай.
Шығу бар шыңға, бар құлау,
Тік жүру қиын жаңылмай.
Жолда осы талай шаршадым,
Жасырам оның мен несін.
Кеудемді асты қанша мұң,
Жүректің шертіп пернесін.
Ақ таңға сәлем беремін,
Келсін деп күліп алдан күн.
Аңқылдап жүрген жан едім,
Сан рет оңбай алдандым.
Қиналдым кейде теңселіп,
Мазалап жанды күдіктер.
Жабы боп шықты мен сеніп,
Тұлпар деп жүрген жігіттер.
Өзіңді сүйген іңкәр боп,
Қүдіретің өмір, мықты ғой.
Жігіттер жүрген сүңқар деп,
Жапалақ болып шықты ғой.
Сырларың көп қой ұққанға,
Ұяттан кейде жанамын.
Қаршыға болып шыққанда,
Қарға деп жүрген адамың.
Қайтейін соның бәрі де,
Қателік болар, балаңдық.
Жаныма менің әлі де,
Ұя салған жоқ арамдық.
Мен соған іштей қуанам,
Жақсылық туым-ұраным.
Қайғырсам тез-ақ жұбанам,
Сенім мен төзім-жыр-әнім.
Терейін өмір гүлдерін,
Мен де бір таңмын жаңа атқан.
Зулай бер, зула күндерім,
Жұлдыздай ағып баратқан.
- << Артқа
- Алға