Қазіргі заман - Тайсойған

ТАЙСОЙҒАН

Бұйра құм мұнартады,
Жеткізбес алдаса үміт.
Жетем деп кұмартады,
Көк сағым қырға асылып.

Тайсойған, алаулаған,
Ертеңгі шағың қандай.
Күншығыс талаураған,
Нұрға аппақ малынғандай.

Жай ғана дірілдейді,
Көл беті күн зерлеген.
Көкжиек күлімдейді,
Толқыған гүлдерменен.

Ойылдың суы тасып,
Асады арнасынан.
Толқындар қолтықтасып,
Ағады жарға асылған.

Сырымды ақтарамын,
Жүгірем балақ түріп.
Еріксіз шаттанамын,
Мен саған қарап тұрып,
Ей, менің Тайсойғаным!