Махаббат - Серт


СЕРТ

Сертте тұрмай алдап кетсең сен егер,
Мен жер басып жүре алмаймын, сене бер.
Қара дауыл тасқа апарып соқтырса,
Көк теңізде қирайды ғой кемелер.

Арамызды алыстатса күн егер,
От сағыныш өртер бойды, сене бер.
Қарсы алдыңнан сағым тұрса шілдеде,
Жақын болып көрінбей ме төбелер?

Мен кемемін, дауыл соқса қираймын,
Мен төбемін, мұңымды ішке жинаймын.
Жаным мені от шығарсың өртейтін,
Неге сені, неге осынша қимаймын?