Өмір - Арман

АРМАН

Құладым талай биіктен,
Еңіреп іштей жыладым.
Өмір-ай, неткен сүйікті ең,
Бәріне бірақ, шыдадым.

Жеңілдік іздеп көрмедім,
Өзіңе сендім арман-ән.
Достарға қолды сермедім,
Тар шақта мені алдаған.

Шақырды алдан шартарап,
Қиялға баттым күнде мен.
Арманды аппақ арқалап,
Сырластым нұрлы түндермен.

Төгілсін мейлі көк терім,
Қол созып келем арманға.
Жапырақ жайып көктедім,
Отаным барда, ел барда.

Жас төгіп, жылап жанардан,
Мақсатсыз жүрсең-басты айып,
Туса егер ауыр күн алдан,
Қарсы алам тұрып қасқайып.