Өмір - Өмірге деген ғашықтық

ӨМІРГЕ ДЕГЕН ҒАШЫҚТЫҚ

Кем болдым демен ешкімнен,
Артық та болған жерім жоқ.
Еркелеу болып өстім мен,
Алаулап жүрді өңім де от.

Жанымда толқып күй керім,
Жырымды шерттім ақ таңда.
Достарға арқа сүйедім,
Мұң келіп есік қаққанда.

Өмір-ай, сүйіп мен сені,
Жанымдай көріп келемін.
Көтеріп жүрем еңсемді,
Өйткені саған сенемін.

Жанымның жанып шырағы,
Келемін дәйім басып тік.
Құлатпай жүрген мені әлі,
Өмірге деген ғашықтық...