Табиғат - Ауыл түні


АУЫЛ ТҮНІ

Ақ мұнарға батқан түнгі тылсым көк,
Тұр екі жас жүректері дүрсілдеп.
Ай төбеде мөлдірейді Ғашықтар,
Бір-біріне адал бола білсін деп,

Жұлдыздар да жымың қағып тынбастан,
Мөлдірейді қара барқыт түнгі аспан,
Сыбдырлайды ақ балтырлы Қайыңдар,
Сылдырлаған бұлақтармен сырласқан.

Биік таудың түн жасырып өркешін,
Бозғылт мұнар орап алған жер төсін.
Күні бойғы жұмыстан соң
Тыныстап,
Жатыр дала жамылып ап көрпесін.